దీపపు ఎరలు

స్థానిక పరిస్థితులను బట్టి మంటలకు బదులుగా దీపపు ఎరలను వాడి రెక్కల పురుగులను ఆకర్షించ వచ్చు.

పొలంలో 150 వాట్ల బల్బు వేలాడదీసి, దానికింద తొట్టిలో నీరు పోసి ఒక మూత కిరసనాయిలు (గ్యాసు నూనె) పోసి  పెడితే ఆ వెలుతురుకు రెక్కల పురుగులు ఆకర్షించబడతాయి.

బల్బు దగ్గరికి వచ్చిన వచ్చిన పురుగులు కిందనున్న తొట్టిలో పడి చనిపోతాయి.  

మామూలుగా నాలుగు ఎకరాలకు ఒక దీపపు ఎర సరిపోతుంది.  

ఉదాహరణకు :   వరిని ఆశించే కాండం తొలిచే పురుగు, దోమ పోటు పురుగు,  ఉల్లికోడు  పురుగులు రెక్కల దశలో కాంతివంతమైన దీపాలకు ఆకర్షితమవుతాయి.  అందువల్ల వరి సాగు చేసే క్షేత్రాలలో దీపపు ఎరలను వాడి ఆ పురుగులను కొంతవరకు తగ్గించవచ్చు.  ఆ ప్రాంతంలోని   రైతులందరూ  సామూహికంగా దీపపు ఎరలు వాడినప్పుడే మంచి ఫలితం వస్తుంది.