మన రాష్ట్రం గొర్రెల పెంపకంలో దేశం లోనే నాల్గవ స్థానంలో ఉన్నది. గొర్రెల పెంపకం వాణిజ్య పరంగా మంచి లాభదాయకం. గొర్రెల పెంపకం అనేది ఒక ప్రాంతంలో అక్కడి నేల స్వభావం, వాతావరణం, వర్షపాతం, గాలిలో తేమ, మేత లభ్యత మీద ఆధారపడి ఉంటుంది. అధిక ఉష్ణోగ్రత, అధికతేమ ప్రదేశాల కంటే అధిక ఉష్ణోగ్రత, తక్కువ తేమ ఉన్న ప్రదేశాలల్లో గొర్రెలు బాగా అభివృద్ధి చెందుతాయి. మెట్టవ్యవసాయంపై ఆధారపడిన రాయలసీమ, తెలంగాణ ప్రాంతాల్లో గొర్రెల పెంపకం ఎక్కువ.